History Teacher's - Tenkasi

தென்காசி மாவட்டம் திருமலாபுரம் குடைவரைக்கோயிலில் உள்ள சதுர நடனமாடும் சிவன் 7 - 8 ம் நூற்றாண்டைச் சார்ந்த பாண்டியர் கலைப்பாணி ஆகும். பாண்டி நாட்டில் இதுகாறும் கிடைத்தவற்றுள் இதுவே பழமையானது. திருப்பரங்குன்றம் குடைவரைக் கோயிலில் சதுரநடனமாடும் மற்றொரு சிற்பத்தைக் காணலாம். இது 8 ஆம் நூற்றாண்டின் பிற்பகுதியைச் சார்ந்தது. இருகால்களைப் பின்னி நடனமாடும் சிற்பங்களைக் குன்றக்குடி, செவல்பட்டி ஆகிய இடங்களில் காணலாம். குன்றக்குடி சிற்பம் எண்தோள்களில் ஆயுதம் ஏந்தி ஆடுகிறது. செவல்பட்டிச் சிற்பம் முன் இடதுகையால் அபயம் காட்டி வலது கையை வீசியாடுகிறது. இது ஜடாபாரம் போன்ற தலையமைப்பைக் கொண்டு நாட்டிய மூர்த்தியாக விளங்குகிறது. பாண்டி நாட்டில் 9 ஆம் நூற்றாண்டு முதல் தான் ஆடும் கூத்தனின் படிமங்கள் கிடைத்துள்ளன. அவற்றில் பழனி, இராமேசுவரம், குற்றாலம், சுந்தரபாண்டியன்பட்டினம், பொருப்புமேட்டுப் பட்டி ஆகிய இடங்களில் கிடைத்துள்ளவை வரலாற்றுச் சிறப்பு மிக்கவை. ஆதாரம் : ஆவணம் இதழ் - 15 புகைப்படம் : சரவண மணியன்

பெரியபட்டினம் : கிழக்குக் கடற்கரைத் துறைமுகங்களில் இராமநாதபுரம் மாவட்டம், இராமநாதபுரம் வட்டம் பெரியபட்டினம் மிக முக்கியமான துறைமுகம் ஆகும். மார்கோ போலோ, இபின் பாதுஷா போன்றவர்கள் ஃபக்தன் அல்லது பத்தன் எனக் குறிப்பிட்டது இவ்வூரையேயாகும்.  பாண்டிய மன்னர்கள் பெயரால் 10 ஆம் நூற்றாண்டில் பராக்கிரம பட்டினம் என்றும் அழைக்கப்பட்டது. 12 ஆம் நூற்றாண்டில் இவ்வூர் பவித்திர மாணிக்கப்பட்டினம் எனச் சிறப்புப் பெயர் பெற்றுள்ளது. 14 ஆம் நூற்றாண்டு சீன நூல் ஒன்றில் (Tai-i-chih-luch) 'தா பத்தன் ' எனக் குறிக்கப்பட்டுள்ளது தா என்றால் பெரிய என்று பொருள். தாபத்தன் - பெரியபட்டினம் ஆகும். அமிர்குஸ்ரூ பரிஷ்கா போன்ற ஆசிரியர்களும் பெரியபட்டினத்தை பத்தன் பத்னி எனவும் அழைத்தனர். மகாவம்சத்தில் : பாண்டியர் உரிமைப் போராட்டத்தில் ஈடுபட்ட இலங்கைப் படைத் தலைவன் தண்டநாயகன் 1170 ல் தமிழ் நாட்டின் மீது படை கொண்டு வந்தான். குலசேகர பாண்டியனுக்கு எதிராகப் பராக்கிரம பாண்டியனுக்கு ஆதரவாக இராமேசுவரம் தீவைக் கைப்பற்றி எதிர்க்கரையில் இறங்கியபோது பெரியபட்டினம் நகர் கண்ட வருணனை இலங்கை மகா வம்சத்தில் குறிக்கப்பட்டுள்ளது.  பராக்...

டிசம்பர்  மாதம் 1887ல்  கத்தோலிக்க குருவான E . Coube என்பவர்  முத்துக்குளித்துறை வருகிறார். அவர் பார்த்ததை  எழுதி உள்ளார். அவற்றில் இருந்து வரலாற்றிற்கு தேவையானவற்றை  மட்டும் எடுத்து தமிழில்  எழுதி உள்ளேன் ______________________________________ பரவர்கள் சாதியின் தலைவரான ஒரு #அரசனால் ஆளப்படுகின்றனர்.  ஆங்கிலேயர்கள் அவருக்கு தாராளமய வருமானத்தைத் கொடுக்கும் (முத்துச்சலாப மாமூல்) ராயல்டி  கிடைக்க  வழி செய்துள்ளனர். அவருடைய வார்த்தையே  பரவருக்கு சட்டமாகும்.  தற்போதைய அரசர் ஒரு வயதானவர், அவரது மகன் இறந்துவிட்டதால், அவரது பேரன்களில் ஒருவர் வெளிப்படையான வாரிசு ஆவார்.  அவர் ஒரு முன்மாதிரியான கத்தோலிக்கர்.( p 406) The Paravers are governed by a  #King , the chief of the caste . The English have , it is true , left him only a semblance of royalty , in addition to a liberal income , but they have not been able to rob him of the prestige he enjoys among his own people , who are much attached to him and for whom his word is law . The pr...

ஆனைமங்கலம் செப்பேடு (அ) சோழா ராஜ சாசனம் [A Royal Charter (or) a Sasana of the Chola kings (or) Cholas Plates or Charter] கி.பி. 985 முதல் 1014 வரையில் சோழ நாட்டை அரசாண்ட புகழ்பெற்ற இராசஇராச சோழன் காலத்தில் நாகையில் 'ஸ்ரீ சைலேந்திர சூடாமணி விகாரை' என்னும் பௌத்தப் பள்ளி கட்டப்பட்டது. சுமாத்திரா தீவில் ஸ்ரீ விஜய என்னும் இராச்சியத்தையும், பர்மா தேசத்தில் கடாரம் என்னும் இராச்சியத்தையும் அரசாண்ட  விஜய குலோத்துங்க வர்மன் என்னும் அரசன் வேண்டுகோளின் படி, இந்த விகாரையை நாகைப்பட்டினத்தில் கட்டுவதற்கு இராச இராச சோழன் உத்தரவு கொடுத்தான். இந்த விகாரை மாற விஜயதுங்க வர்மன் தந்தையான சூடாமணி வர்மன் என்பவன் பெயரால் கட்டப்பட்டதாதலின், இதற்குச் 'சூடாமணி விகாரை' என்று பெயராயிற்று.  இந்தச் சூடாமணி விகாரைக்கு ராஜராஜப் பெரும்பள்ளி என்றும் பெயர் உண்டு. கடாரத்தரசன் இவ்விடத்திலேயே கட்டிய மற்றொரு விகாரைக்கு ராஜேந்திர சோழன் பெரும் பள்ளி என்று பெயர். ஆனைமங்கலம் முதலான ஊர்களை இவ்விகாரைக்குப் பள்ளிச்சந்தமாக இராச இராசன் அளித்தார். ஆயினும், சாசனம் எழுதுவதற்கு முன்னரே அ...

ஒவ்வொரு முறையும் நாகப்பட்டினத்தை  கடந்துச் செல்லும்  பொழுது தமிழக தொல்லியல் துறையின் பராமரிப்பில் உள்ள டச்சுக் கல்லறைகளை காண வேண்டும் என்ற ஆவல் எப்பொழுதும் உண்டு!  அதற்கான நேரம் சமீபத்தில் தான் கிடைத்தது. பல்லவர்,சோழர்கள் ஆட்சியில் நாகை சிறப்புற்றிருந்தது போல் அந்நியராட்சியிலும் முக்கிய நகரமாகவும், துறைமுகமாகவும் இருந்துள்ளது. போர்ச்சுகீசியர்கள் வசம் இருந்த நாகை கி.பி. 1658 இல் டச்சுக்காரர்கள் கைக்கு மாறியுள்ளது.1658 லிருந்து 1781 வரை நாகையில் டச்சுக்காரர்களின் ஆட்சியே இருந்துள்ளது. நாகையில் டச்சுக்காரர்களின் கோட்டை இருந்தற்கான அடையாளம் இல்லையென்றாலும், அவர்களில் இறந்தவர்களை அடக்கம் செய்த இடங்களில் அமைக்கப்பட்ட  கல்லறைகள் இன்றும் அவர்களின் அடையாளமாக இருந்து வருகிறது. நாகை இரயில் நிலையம் அருகில் பழைய CSI சர்ச் வளாகத்தில் அமைந்துள்ள டச்சுக் கல்லறைகளில் சிறப்புற்றது இராணி கல்லறை என்ற அமைப்பு. 3 அடி உயரம், 5 அடி நீளம், 4 அடி அகலம் கொண்ட மேடை, அதன் மேல் அழகிய மண்டபம். இது நாகையை கி.பி. 1704 இல் ஆட்சி செய்த டச்சு ஆளுநர்  ஜோனஸ் வான் ஸ்டிலண்ட் என்பவரின் மனைவ...

பாண்டிய சக்கரவர்த்தி, முதலாம் சடையவர்மன் சுந்தரபாண்டியன் கி.பி. 1251 முதல் 1271 வரை பாண்டிய நாட்டினை ஆட்சி செய்த மாமன்னர்களில் ஒருவர் ஆவார். இவர் இரண்டாம் மாறவர்மன் சுந்தரபாண்டியன் இறப்பிற்குப் பின் முடிசூடிக்கொண்டார்.  மகாராசாதி ராச ஸ்ரீபரமேசுவரன், எம்மண்டலமும் கொண்டருளியவன், எல்லாம் தலையானான், பெருமாள் போன்ற பட்டப் பெயர்களை தரித்தவன். இவரது காலத்தில் பாண்டிய நாட்டில் மிகச் சிறப்பாக ஆட்சி நடத்தினார் என்று கருதப்படுகின்றது. சித்திரை மாதம் மூல நட்சத்திரத்தில் பிறந்த இவர் பிற்காலப் பாண்டிய மன்னர்களுள் சிறப்புற்று விளங்கினார் என்பதும் குறிப்பிடத்தக்கது. ஆற்றிய போர்கள் : சேர மன்னன் வீரரவி உதயமார்த்தாண்டவர்மன் மீது படையெடுத்து வெற்றி கொண்டார். மூன்றாம் இராசராசன் மகனான மூன்றாம் இராசேந்திரனையும் வென்று திறை செலுத்துமாறு ஆணையிட்டார். போசளர் கண்ணனூரினைத் (சமயபுரம்) தம் கட்டுப்பாட்டிற்குள் வைத்திருந்த சமயம். இவர் போசள மன்னனான வீரகோமேச்சுரன் என்பவனை தோற்கச்செய்து தண்ட நாயகன் சிங்கணனை கொன்று கண்ணனூரினை மீட்டார். கண்ணனூரில் நடைபெற்ற கொப்பத்துப் போரில் சேமன் என்பவனைக் கொன்றான். இவருக்கு களிறுகளி...

"பள்ளிப்படைக் கோயில்" என்பது சோழர்காலத்தில் பெரிதும் காணப்பட்ட இறந்தோர் நினைவாக எழுப்பப்படும் ஆலயமாகும். இதில் படை என்பது, படுதல் (இறத்தல் - வீழ்தல்) என்ற சொல்லில் வந்தது. பழைய நடுகற்களில் படுதல் என்பது பட்டான் கல் என வரும். அதன் பொருள் இறந்தோர் கல் என்பதாகும். உதாரணமாக: நடுகல் கல்வெட்டுகளில் வரும் "எய்து பட்டான்கல்" என்பது எதிரி எய்த அம்பு பட்டு இறந்ததை உணர்த்தும்.  பள்ளி என்பது படுத்து உறங்குதலைக் குறிக்கும். எ.கா: பள்ளியறை உறங்கும் அறை. ஆனால், இங்கு "இறப்பு" என்ற நிரந்தர உறக்கத்தை குறிக்கும். பள்ளிப்படை என்பதன் விளக்கப்பொருள்: "இறந்தோர் துயில் கொள்ளுமிடம்" என்பதாகும். பள்ளிப்படை எழுப்புதல், பெருங்கற்கால பண்பாட்டின் தொடர்ச்சி என ஆய்வாளர்கள் கருதுகின்றனர். அரச குடும்பத்தில் உள்ளவர்கள், அரசர்கள் இறந்தால் பள்ளிப்படைக் கோவிலாக எழுப்பப்படுகிறது. படம்: திருப்புறம்பியப் போரில் சோழருக்கு ஆதரவாக போரிட்டு வீரநிலை அடைந்த கங்க மன்னன் பிருத்விபதியை நன்றியுடன் நினைவுகூறும் விதமாக, சோழர்கள் எழுப்பிய பள்ளிப்படை எனக் கருதப்படுகிறது. ஆனால் கல்வெட்டு ...

தஞ்சாவூர் மாவட்டம், கும்பகோணத்தில் இருந்து தெற்கே 7 கி.மீ. தொலைவில் அமைந்துள்ளது பழையாறை. இப்போது, சிற்றூராக உள்ள பழையாறை பல்லவர் காலம் முதல் பிற்காலச் சோழர் காலம் வரை புகழ்பெற்ற பெருநகரமாகத் திகழ்ந்தது. அரசிலாற்றுக்கும், முடிகொண்டானாறுக்கும் இடையே 5 மைல் நீளமும், மூன்று மைல் அகலமும் கொண்ட பரந்த நகரமாக இருந்த இந்நகரம் ஆறை, பழைசை, மழபாடி, பழையாறு, நந்திபுரம் என பல பெயர்களைப் பெற்றிருந்தது. பல்லவர் ஆட்சி தமிழ்நாடெங்கும் பரவியபோது, பல்லவ நாட்டின் தென் பகுதிக்கு இந்த ஊர் தலைநகரமாகவும் இருந்தது. பின்னர், விஜயாலயன் காலம் முதல் மூன்றாம் இராஜராஜன் காலம் வரை சோழ மன்னர்களின் வாழ்விடமாக இருந்த இப்பெருநகரம், அவர்களுடைய இரண்டாவது தலைநகரம் என்ற புகழும் பெற்றது.  முதலாம் இராஜராஜன் காலம் வரை பழையாறை என்றும், முதலாம் இராஜேந்திரன் காலத்தில் முடிகொண்ட சோழபுரம் எனவும், இரண்டாம் இராஜராஜன் காலத்தில் பழையாறையின் ஒரு பகுதி இராசராசபுரம் என்றும் அழைக்கப்பட்டது. ஏறத்தாழ 1500 ஆண்டுகளுக்கு முன்பு நிறுவப்பட்ட இந்த நகரம், சோழப் பேரரசுகளின் ஆட்சிக் காலமான 430 ஆண்டுகள் தமிழக வரலாற்றில் மிக முக்கியமான இ...