History Teacher's - Tenkasi

ஆதி காலம் தொட்டு பெண் என்பவள் ஆட்டுவிக்கும் பொம்மையாக இருக்கிறாள். பிறப்பிலிருந்து வளரும் சூழலில் இருந்து வேலை செய்யும் முறையில் இருந்து இறப்பு வரைக்கும் பெண் யாரோ ஒருவரால் கட்டமைக்கப்படுகிறாள். தேவரடியார் முறையும் தேவதாசி முறையும் தேவதாசி முறை எனும் பெயரில் பெண்களை சூறையாடி வந்த சடங்குமுறை 1947 ஆம் ஆண்டில் வழக்கொழிந்து போனது. தேவரடியார், தேவதாசி ஆகிய சொற்களுக்கு இடையே, தமிழர் – திராவிடர் ஆகிய இனங்களுக்கு இடையிலான பண்பாட்டு வேறுபாடு உள்ளது. தேவரடியார் என்போர் தமிழரின் மதிப்பு மிக்க பெண்டிர். தேவதாசிகள் என்போர், திராவிடரின் பொதுமகளிர்.| தேவரடியார் முறை என்பது, அரசரால் நியமிக்கப்பட்ட கலை வளர்க்கும், கோயில் பராமரிக்கும் அதிகார முறை. தேவரடியார் எனப்பட்டோர், கோயில்களில் ஆடல், பாடல், பூசை, பராமரிப்பு மேற்கொள்வதற்காக தானே முன்வந்த பெண்கள் ஆவர். இவர்களில் அரசர்குலப் பெண்களும் உண்டு. கோயில்களில் பெண்களுக்கு வழங்கப்பட்ட உயரிய அங்கீகாரமே தேவரடியார் முறை ஆகும். இவர்கள் பாலியல் பதுமைகள் இல்லை. சோழர்காலத்தில் தேவரடியாரின் கலைகள் போற்றி வளர்க்கப்பட்டன. பெருவுடையார் கோயிலின் உள்ளே மாடித் த...

பெரியகோவிலின்  சிவலிங்கம் இருக்கும் கருவறையைச் சுற்றி இருக்கும் உட்திருச்சுற்றுப் பாதை. இதை சாந்தார அறை என்றும்  உண்ணாழிகை என்றும் அழைப்பார்கள். கருவறைக்குள்ளேயே  மூலவரை வலம் வரும் ஓர் அமைப்பு. இந்த உட்திருச்சுற்றுப் பாதை என்பது ஸ்ரீவிமானத்தின் இருபக்கச் சுவற்றுக்கு இடைபட்ட பாதையாகும். உட்திரு பாதையின்  இரு சுவற்றிலும் ஓவியங்கள்வரையப்பட்டுள்ளன.சோழர்கால ஓவியத்தின் மேல் வரையப்பட்ட நாயக்கர் கால ஓவியத்தை மிகச்சிறந்த தொழில் வேதியியல் தொழில் நுட்பம் மூலம் உரித்தெடுத்தார்கள்.பிரித்தெடுத்த நாயக்கர் கால ஓவியத்தையும் மிகச்சிறந்த முறையில் பதப்படுத்தி அருகிலேயே வைத்துள்ளார்கள்.ஸ்ரீவிமானத்தின் தென்பகுதியில் உள்ள ஏணி வழியாக ஏறி திருச்சுற்றுப்பாதையை அடையலாம். மூலவரின் அருகாமையில் உள்ள பக்க வழிகளின் மூலமும் ஓவியம் இருக்கும் திருச்சுற்றை அடையலாம்.ஓவியங்களை15 பிரிவுகளாக பிரித்து 1 முதல் 15 வரை எண்கள் கொடுக்கப்பட்டு ஆவணப்படுத்தியுள்ளனர்.அதாவது 15 Panel களில் ஓவியங்கள் உள்ளன..1- 3 Panel. நாயக்கர் கால ஓவியங்கள்.5 - 12 Panel சோழர் கால ஓவியங்கள்.13 - 15 நாயக்கர் கால ஓவியங்கள்.சோழர் கால ஓவி...

தமிழக அரசு இந்து சமய அறநிலையத்துறையின் கீழ் உள்ள 46,020 திருக்கோயில்களிலும் இருக்கக்கூடிய அரிய ஓலைச் சுவடிகளையும் செப்புப் பட்டயங்களையும் அடையாளம் கண்டு பராமரித்து பாதுகாக்கவும், நூலாக்கம் செய்யவும் ஒரு குழுவை நியமித்துள்ளது. இக்குழுவினர் இதுவரை 232 திருக்கோயில்களில் கள ஆய்வு செய்து 20 செப்புப் பட்டயங்களை அடையாளம் கண்டு மின்படியாக்கம் செய்துள்ளனர். இந்நிலையில் இக்குழுவினர் நெல்லையப்பர் கோயிலில் கள ஆய்வு செய்தனர். கள ஆய்வு செய்தபொழுது கோயிலில் இருந்த செப்பேடு மற்றும் செப்புப் பட்டயங்களைக் கண்டறிந்தனர். இது குறித்து சுவடித் திட்டப்பணிக் குழுவின் ஒருங்கிணைப்பாளரும் சுவடியியல் துறை பேராசிரியருமான முனைவர் சு. தாமரைப்பாண்டியன் அவர்களைத் தொடர்பு கொண்டு கேட்டபோது அவர் கூறியதாவது: நெல்லை கோயிலில் எனது தலைமையில் சுவடியியலாளர்கள் இரா. சண்முகம், க. சந்தியா, நா. நீலகண்டன், மா. பாலசுப்பிரமணியன் ஆகியோர் இணைந்து கள ஆய்வு செய்தோம். அப்போது கோயிலில் 8 செப்புப் பட்டயங்களும் 2 செப்பேடுகளும் இருப்பதைக் கண்டறிந்தோம். செப்பேடுகளை ஆய்வு செய்தபொழுது அதில் கீழ்க்காணும் செய்திகள் இருந்தன. சேர குலராம ...

ஆர்கியாலஜி (Archeology) என்ற கிரேக்கச் சொல்லானது ஆர்க்காயஸ் என்ற மூலம் பெறப்பட்டதாகும். ஆர்க்காயஸ் என்றால் பழமை என்றும்,  லோகோஸ் என்றால் அறிவியல் என்றும் பொருள் வழங்கப்படுகின்றது. தொல்லியல் என்பது மனிதன் விட்டுச் சென்ற தொல் எச்சங்களை ஆய்வு செய்து பண்பாட்டை அறிந்து கொள்வது ஆகும். மேலும் வரலாற்றின் பழங்காலத்தைப் பற்றி அறிய உதவும் கருவிகள், கல்வெட்டுக்கள், பொருட்கள் பற்றிய ஆய்வு தொல்லியல் எனலாம். அதாவது பொருள்சார் பண்பாட்டை அகழ்ந்தெடுத்து தொன்மைக்கால மாந்தர் செயல்பாட்டைப் பகுப்பாய்வு செய்யும் அறிவியல் புலமாகும். *தொல்லியலின் பிரிவுகள்* *1.அகழ்வாராய்ச்சி* மண்ணில் புதைந்து போயிருக்கும் பழங்கால மக்களின் எச்சங்களையும், வரலாற்றுச் சான்றுகளையும் நிலத்தை அகழ்ந்து செய்யும் ஆய்வுகளுக்கு அகழ்வாராய்ச்சிகள் என்று பெயர். ஒரு குறிப்பிட்ட பகுதியைத் தேர்வு செய்து, அப்பகுதியை படிப்படியாகத் தோண்டி, அங்கு கிடைக்கும் பொருட்களைச் சேகரித்து, பகுப்பாய்வு செய்து விவரங்களைக் கண்டு பிடிப்பது அகழ்வாராய்ச்சியின் வழிமுறையாகும். அகழ்வாராய்ச்சியில் கிடைக்கும் பொருட்களை கரிம பகுப்பாய்வு (கார்பன் டேட்டிங்) உள்ளிட்ட ப...

தென்றல் தவழும் தென் பொதிகை மலை அமைந்த திருநெல்வேலி மாவட்டத்தின் மேற்குத் தொடர்ச்சி மலை ஒட்டிய பகுதிகளில் அம்பாசமுத்திரம் அடுத்த அய்யனார் குளம் மற்றும் குற்றாலம் மலைப்பகுதியின் மேற்பகுதியில் என இரு இடங்களில் தமிழி கல்வெட்டுகள்  இடம்பெற்றுள்ளன..  இதில் தேனருவி அருகில் உள்ள சன்யாசிபுடவு கல்வெட்டு வாசிப்பதற்கு சற்றே சிரமமுடைய தொல்எழுத்து வடிவமுடையது.. அதே அம்பாசமுத்திரம் அடுத்த அய்யனார் குளம் பொத்தையில் காணப்படும் தமிழி கல்வெட்டுகள் மிகத் தெளிவான எழுத்தமைதியோடும் கற்படுக்கைகளோடும் காணப்படுகின்றன. ஒரே இடத்தில் 2 கற்படுக்கைகள் மற்றும் தமிழி கல்வெட்டுகள் :  1) ராஜாப் பாறை 2) நிலாப் பாறை 1) ராஜாப் பாறை : இயற்கையாக அமைந்த குகையின் ஊடே இரண்டு கற்படுக்கைகளை அமைத்து மழை நீர் ஒழுகாதவாறு காடி அமைக்கப்பட்டுள்ளது..  கல்வெட்டு வாசகம் :  பள்ளி செய்வித்தான் கடிகை (கோ) வின் மகன் பெருங்கூற்றன் கடிகைக் அரசனின் மகன் பெருங்கூற்றன் என்பான் இப்பள்ளியை செய்வித்துள்ளான்  இப்பாறையிலேயே திருச்சி பார்த்தியால் தொன்மையான பாறை ஓவியமும் கண்டுபிடிக்கப்பெற்றது..  2) நிலாப்பாறை : ராஜாப் பா...

கன்னியாகுமரி மற்றும் திருநெல்வேலி மாவட்டங்கள் இணையும் எல்லையில் அமையப்பெற்றுள்ளது. தொன்மைக் காலத்தில் புத்த மதத்துடன் நெருங்கிய தொடர்பு கொண்ட பகுதியாகும் பொதிகை. சீனா மற்றும் திபெத் நாட்டில் புத்த மத எழுத்துப் படைப்புகளில் இம்மலைப் பகுதி போதலகிரி (Pothalagiri) போதலா (Potala) மற்றும் போதலக (Potalaka) என்று குறிப்பிடப்பட்டுள்ளது. மகாயான மரபு புத்த மதத்தின் படி போதலக, புத்த கடவுள் அவலோகிதா-வின் உறைவிடம் பொதிகை ஆகும். அவலோநிதா, தனது துணைவியார் தாராதேவியுடன் இம்மலையில் தங்கியதாக சொல்லப்படுகிறது. தாராசூக்கம் (Tarasookkam) என்ற புத்தமத நூலில் அவலோகிதா- வை போதலகிரி நிவசினி (Potalagiri nivasini) என்று குறிக்கின்றது. நீண்ட காலமாக போதலக மலைப் பற்றிய உண்மை விவரங்கள் பற்றிய கேள்விகளுக்கு பதில் கிடைக்கப் பெறவில்லை. கி.பி.645-ல் இந்தியாவில் பயணம் செய்த சீன யாத்திரிகள் யுவான் சுவாங் தனது பயண குறிப்பில் போதலாக மலையின் இருப்பிடம் மற்றும் அதன் அழகைப் பதிவு செய்துள்ளார். யுவான் சுவாங்கின் குறிப்பின்படி போதலாக மலை மோ-லோ-ய (Mo-lo-ya) Malaya (மயல) மலையின் கிழக்கிலும், மோ-லோ-கு.த. (மலை நாடு)க்கு வ...

கல்தோன்றி மண் தோன்றா காலத்திற்கே முன் தோன்றிய மூத்த குடி தமிழ் குடி என்பதில் இருந்தே தமிழ் மக்களின் நீண்ட நெடிய வரலாற்றை தெரிந்து கொள்ளலாம். அந்த அடிப்படையில் தமிழ் மக்கள் கொண்டாடும் திருவிழாவே பொங்கல் பண்டிகையாகும். பொங்கல் என்பது உணவின் பெயர். பொங்குதல் என்பதன் வினைப்பெயரே பொங்கல். பொங்கு என்ற சொல் கொதித்தல், மிகுதல், சமைத்தல், செழித்தல் எனப் பொருள்படும். பொங்குவதால் பொங்கல். பொங்கல் என்ற சொல்லுக்கு கொதித்தல், மிகுதல், சமைத்தல், மற்றும் செழித்தல் என என்ற பல பொருள் உண்டு. பொங்கல் பண்டிகையை தைப்பொங்கல், உழவர் திருநாள், தமிழர் திருநாள், அறுவடை திருநாள், தைத்திருநாள் என்று பல பெயர்களில் அழைக்கிறோம். பண்பாட்டின் மக்கள் விழாவாகவே பொங்கல் ஒளிர்விட்டுப் பிரகாசிக்கிறது. தமிழகத்தில் வேளாண்மையின் வளர்ச்சியோடும் பேரரசுகளின் வளர்ச்சியோடும் மிகுந்த தொடர்புடைய தாகவே பொங்கல், தமிழ் மக்களின் பண்பாடாக மலர்ந்தது. பொங்கல் விழா காலப் போக்கில் பல வளர்ச்சிகளைக் கடந்து வந்துள்ளது. தமிழகம் முழுவதுமான விவசாயிகளின் ஒற்றுமையை வளமைப் பண்பாட்டை ஒரே சமயத்தில் வெளிப்படுத்தும் வகையில் பொங்கல் திருவிழா உர...