History Teacher's - Tenkasi

பதினான்காம் நூற்றாண்டில் தமிழகம் அரசியல் ரீதியாகத் தனிமைப்பட்டுக் கிடந்தது. வடக்கில் இஸ்லாமியப் படையெடுப்புகளால் நிகழ்ந்த மாற்றங்களில் பாதிப்பு எதுவும் அடையாமல் இருந்த தமிழகத்தின் மீது வடக்கிலிருந்து வந்த இஸ்லாமியப் படையெடுப்புகளினால் முற்றிலும் மாற்றமடைந்து தமிழக அரசர்களின் ஆட்சி முடிவுக்கு வந்தது. தென்னாட்டில் பொதுவாக நிலவிய ஒற்றுமையின்மையினாலும் அதனைவிடவும், பாண்டிய நாட்டில் நிகழ்ந்த வாரிசுரிமைப் போர்களாலும் மிகவும் பலவீனமடைந்திருந்த தமிழகத்தின் மீது தொடர்ச்சியாக நிகழ்ந்த இஸ்லாமியப் படையெடுப்புகள் சூறாவளியாகத் தாக்கின.  இஸ்லாமிப்படைகளின் பாதம் படாமல் இருந்த தமிழ் நிலப்பரப்பினை டெல்லி சுல்தானின் படைத்தலைவர்களான மாலிக்கஃபூரும், குஸ்ரூகானும், உலூக்கானும் சின்னாபின்னமாக்கினர். இந்தப் படையெடுப்புகளைத் தொடர்ந்து பலவீனமடைந்திருந்த த்மிழகத்தின் மீது பிற அன்னியரும் தங்களின் ஆளுகையைச் செலுத்த இஸ்லாமியப் படையெடுப்புகள் வழிகோலியது. இந்த நிலையே 1947-ஆம் வருடம் இந்தியா சுதந்திரமடையும் வரை தொடர்ந்து வந்திருப்பதனை நாம் காணலாம். மூன்றாம் குலோத்துங்க சோழனின் காலத்திற்குப் பிறகு பலவீனம...

தென்னகப் பகுதியில் முதல் பேரரசர்கள் மூவேந்தர்கள் அல்ல. பேரரசு என்றால் வெவ்வேறு அரசுகளை தன் ஆளுகைக்கு கீழ் கொண்டுவருவது. கரிகால பெருவளத்தான் காலத்திலேயே பல பகுதிகளை வென்று, சோழப் பேரரசை உருவாக்க முயற்சிகளும் மேற்கொள்ளப்பட்டது. தென்னகப் பகுதியில் மூவேந்தர்களையும், அவர்களின் மூன்று வெவ்வேறு அரசுகளையும் வெற்றி கொண்டு ஒரே ஆளுகைக்கு கீழ் கொண்டுவந்து பேரரசு என்று ஒன்றை உருவாக்கியவர்கள் களப்பிரர்கள். களப்பிரர் வீழ்ந்தபோது, சாளுக்கியர் முதல், பாண்டியர் வரை களப்பிரரை வென்றதை பெருமையாக தங்களின் சாசனங்களில் குறிப்பிட்டுள்ளனர்.  களப்பிரர் வென்ற சேர சோழ பாண்டிய மன்னரின் பெயர்கள் தெரிவில்லை. மூவேந்தர்களையும் இவர்களின் கீழடங்கியிருந்த சிற்றரசர்களையும் களப்பிரர் வென்றனர் என்று வேள்விக்குடிச் செப்பேட்டுச் சாசனம் கூறுகிறது. "அளவரிய ஆதிராஜரை அகல நீக்கி அகலிடத்தைக் களப்ரனென்னுங் கலி அரைசன் கைக் கொண்ட " னன் என்று வேள்விக்குடிச் செப்பேட்டு வாசகம் கூறுகிறது. களப்பிரரின் போர்க்கள வெற்றியைப் பழைய வெண்பா ஒன்று கூறுகிறது. மிகத் தொன்மை வாய்ந்த அந்த வெண்பா கி.பி. 10 - ம் நூற்றாண்டு நூலாகிய யாப...

அம்மையும் அப்பனும் உயரே மலையில். செங்குதான இம்மலையில் எப்படித்தான் செதுக்கினார்களோ? இடம்: பாட்டாக்குறிச்சி மலை, தென்காசி - தென் பாண்டிநாடு

இந்த வரைபடம் 1699ம் ஆண்டு பிரஞ்சு ஓவியர் ஒருவரால் வரையப்பட்டது. பிரெஞ்சுக்காரர்கள், ஆங்கிலேயர்கள், போர்த்துகீசியர்கள் மற்றும் பல ஐரோப்பிய தேசத்தவர்கள், நமது நாட்டில் காலூன்ற முயன்ற காலத்தில் வரையப்பட்டது. அவர்களுடைய படைகளை, அவர்களின் இலக்குகள் நோக்கி நகர்த்துவதற்காக, மிகவும் துல்லியமாக, தென் தமிழ் நாட்டின் அனைத்து ஊர்களையும், அங்குள்ள சிறிய கோட்டைகளையும் குறிப்பிட்டு வரைந்துள்ள வரைபடம். பழைய இராஜ பாட்டைகள் என்றும் அழைக்கலாம். மதுரையை ஆட்சி செய்த, இராணி மங்கம்மாள் அவர்கள் மதுரையிலிருந்து அனைத்து ஊர்களுக்கும் செல்லும் சாலைகளை சிறப்பாக நிர்வாகம் செய்துள்ளார்.. இந்த வரைபடமும் இராணி மங்கம்மாள் காலத்தியது. அப்போதைய சாலைகள் அனைத்தும் சிறப்பாக வரையப்பட்டுள்ளது.. கிட்டத்தட்ட 325 ஆண்டுகளுக்கு முன்னர், தற்போதைய நவீன விஞ்ஞான வசதிகள் எதுவுமில்லாத காலத்தில் இத்தகைய வரைபடம் தயாரிக்கப்பட்டுள்ளது.. தற்போதைய Google வரைபடத்தை பழைய வரைபடத்தின் மேலமர்த்தி பார்க்கும்போது, பழைய வரைபடத்தின் துல்லியம் காணக்கிடைக்கின்றது.. கிட்டத்தட்ட நூறு சதவிகிதம் அப்படியே பொருந்துகின்றது. இதை திருச்சிக்கு தெற்கே ...

பல தமிழக மன்னர்களின் ,குறுநில, மன்னர்களின் ,ஜமீன்தார்கள் அரண்மனைகள் சில இடங்களில்காணக்கிடைக்கிறது .ஆனால்; கோட்டைகள்  எதுவும் அதிகம் தமிழ் நாட்டில் முழுமையாகக் காணக்கிடைப்பதில்லை . செஞ்சி ,வேலூர், திருமயம் , சென்னை போன்று சிலக்கோட்டைகள் மட்டுமே தமிழ்நாட்டில் இப்போதும் ஓரளவு நல்ல நிலையில் உள்ளன--இறுதி சோழர்கள் சோழர்கள் காலத்தில் பாண்டியர்களால் கங்கைகொண்ட சோழ புரம் கோட்டை தஞ்சாவூர் ,உறையூர் போன்ற  இடங்களில் இருந்த கோட்டைகள் இடித்துத்தரைமட்டம்ஆக்கப்பட்டது அதற்க்கு முன்பே சோழர்களால் பாண்டியர்களின் கோட்டைகள் பல தரைமட்டம் ஆக்கப்பட்டது . சங்ககாலத்தில் இருந்து இருந்துவந்த கோட்டைகள்தமிழ் மன்னர்களுள் நடைபெற்ற  இடைவிடாத போர்களின் காரணமாக சிறுக சிறுக அழிந்தன . சேரர்களின் கோட்டைகளும் சோழர்களாலும் பாண்டியர்களால் பலமுறை அழிக்கப்பட்டன .பல குறுநில மன்னர்களின் பண்டயக்கோட்டைகள் அவர்களுக்குள் நிகழ்ந்த தொடர்போர்களால் அழிந்தன .இத்தகைய சூழலில் நாயகர்களுக்குப்பிறகு  18 ஆம் நூற்றாண்டில் தமிழ்நாட்டில்முதல் கர்நாடக நவாப்  ,சாதத் உல்லாக்கான் ஆட்சியின் போது தமிழகக்கோட்டைகள் 84 என்று வரையறுக்...

திருவாலீஸ்வரம் இவ்வூர் அம்பாசமுத்திரம் வட்டத்தில் மன்னார் கோயிலிலிருந்து 3 கி.மீ. தொலைவில் அமைந்துள்ளது. இவ்வூரில் கடனாநதிக் கரையில் நெல்வயல்களுக்கு நடுவே அமைந்துள்ள சிவன் கோயில் இவ்வூரின் வரலாற்றினை அறிந்து கொள்வதற்கு உதவுகின்றது.  கடனாநதியின் பெயர் கடம் என்ற சமஸ்கிருதச் சொல்லிலிருந்து வந்துள்ளது. கடம் என்றால் பானை அல்லது கலசம் என்று பொருள். இந்நதிநீர் அகஸ்தியர் கையிலிருந்த கலசநீர் என்றும் அகஸ்தியர் இக்கோயிலுக்கு மேற்கேயுள்ள மலையடிவாரத்தில் தங்கியிருந்தார் என்றும் நம்பப்படுகிறது. இக்கோயில் சோழர் காலக் கட்டடக் கலைப்பாணிக்கு கல்வெட்டுகள் இவ்வூரைத் திருவாலீஸ்வரம் என்றும் ராஜராஜ சதுர்வேதிமங்கலம் என்றும் குறிப்பிடுகின்றன. எடுத்துக்காட்டாக விளங்குகிறது. இக்கோயிலில் சோழர், சோழ பாண்டியர் மற்றும் பிற்காலப் பாண்டியர்களின் கல்வெட்டுகள் பொறிக்கப்பட்டுள்ளன. இக்கோயிலில் பொறிக்கப்பட்டுள்ள முதலாம் இராசராசனின் 9-ஆவது ஆட்சியாண்டுக் கல்வெட்டு இவ்வூரை முள்ளிநாட்டு ராஜராஜவளநாட்டு பிரம்மதேயம் ராஜராஜ சதுர்வேதிமங்கலம் எனக் குறிப்பிடுகின்றது. பிரம்மதேசம், திருவாலீஸ்வரம் மற்றும் மன்னார்கோயில் ஆ...

பெட்ரோகிளிஃப்ஸ் என அழைக்கப்படும் பாறைச் செதுக்கல்கள் மேற்கு மகாராஷ்டிராவின் கொங்கன் பகுதியில் உள்ள குன்றுகளில் கண்டுபிடிக்கப் பட்டுள்ளன. பெரும்பாலும் ரத்னகிரி மற்றும் ராஜபூர் பகுதிகளில் கண்டுபிடிக்கப்பட்டது. பாறை, தட்டையான மலை உச்சிகளில் பொறிக்கப்பட்ட பெரும்பாலான படங்கள் ஆயிரக்கணக்கான ஆண்டுகளாக கவனிக்கப்படாமல் இருந்தன. இந்திய நாகரிகம் 10,000 ஆண்டுகளுக்கு மேல் பழமையானது என்பதற்கு அவை ஆதாரமானவை. இந்தியாவின் மேற்கு மாநிலமான மகாராஷ்டிராவில் பல்லாயிரக்கணக்கான ஆண்டுகள் பழமையானதாகக் கருதப்படும் பாறைச் செதுக்கல்களின் கண்டுபிடிப்பு முன்பு அறியப்படாத நாகரிகத்திற்கான தடயங்கள் இருப்பதாக நம்புகிறார்கள். பெட்ரோகிளிஃப்கள் வரையப்பட்ட விதம் மற்றும் உலகின் பிற பகுதிகளில் காணப்படும் அவற்றின் ஒற்றுமை, அவை வரலாற்றுக்கு முந்தைய காலங்களில் உருவாக்கப்பட்டவை என்றும், இதுவரை கண்டுபிடிக்கப்பட்டவற்றில் மிகவும் பழமையானவை என்றும் நிபுணர்கள் நம்புவதற்கு வழிவகுத்தது. கொங்கன் கடற்கரையில் 250 கிலோமீட்டர்களுக்கு மேல் காணப்படும் இந்த வரலாற்றுக்கு முந்தைய வேலைப்பாடுகள் மனித உருவங்கள், வ...

இன்னிக்கி இருக்கும் பைபாஸ் ரோடு போல அந்த காலத்திலும் புறவழி சாலை இருந்திருக்க. அப்படி புறவழிச்சாலை வழியாக வணிகம் செய்தவர்களும் அப்போதைய அரசுக்கு வரி கட்டியிருக்காங்க.....        பண்டை காலத்தில் பல போர்கள் இந்த வணிகப்பிரச்சினையாலே வந்திருக்கு....     கோவை கல்வெட்டு ஆய்வாளர் துரை சுந்தரம் அவர்கள் பிளாக்கில் இருந்து வணிகம் தொடர்பான தகவல்கள்.. -------------------------------------------------------- கல்வெட்டு நூல்களைப் புரட்டும்போது சில செய்திகள் நம் கவனத்தை ஈர்க்கின்றன. அவ்வகையான சில செய்திகளை அவ்வப்போது பகிர்ந்துகொள்ள விழைகிறேன். மன்னார்குடி ஜயங்கொண்டநாதர் கோயில் கல்வெட்டு ஒன்றில் கண்ட செய்தி இங்கே தரப்படுகிறது. வணிகர்கள் தங்களுக்குள் “சமையம்” என்ற கூட்டமைப்பைக் கொண்டிருந்தனர். அதுபோன்ற ஓர் அமைப்பு சாரிகைக்கோட்டை என்னும் வணிக நகரத்தில் இருந்துள்ளது. அதில் அந் நகரத்தில் வணிகத்தில் ஈடுபட்ட நகரத்தாரும், நகரத்துக்கு வெளியே தமிழக ஊர்களுக்குள்ளும் தமிழகம் தாண்டியும் வணிகத்தில் ஈடுபட்ட நான்குதிசை  (நானாதிசை) பதினெண்விஷையத்தாரும் உறுப்பினர்களாக இருந்...

அசோகர் தனது சொற்களை இந்தியத் துணைக்கண்டம் முழுக்கப் பதிவு செய்திருக்கிறார். அவை சொற்கள்தாம் என்பதையும் சொன்னவர் அசோகர் என்பதையும் கண்டுபிடிக்க, நமக்குக் கிட்டத்தட்ட 2,000 ஆண்டுகள் ஆகியிருக்கின்றன. எல்லோருடனும் நெருங்கிவந்து உரையாட விரும்பிய ஒருவரின் குரல், இவ்வளவு நீண்ட காலம் மறைந்திருந்தது உண்மையிலேயே துயரம்தான். தன் காலத்தோடு மட்டுமல்ல எதிர்வரும் காலத்தோடும் உரையாட வேண்டும் என்பதால்தான், அழுத்தந்திருத்தமாகக் கற்களில் தன் சிந்தனைகளை வெளிப்படுத்திவிட்டுச் சென்றிருக்கிறார் அவர். ஓர் அரசர் தன் ஆணையைத் தெளிவாக எழுத வேண்டும். நல்ல எழுத்தர்கள்மூலம் ஆணைகள் அழகிய கையெழுத்தில் பதிவு செய்யப்பட வேண்டும். எழுத்தர்கள் அரசர் சொல்வதைக் கூர்மையாகக் கவனித்து, கவனமாக எழுத்தில் கொண்டுவர வேண்டும் என்று அறிவுறுத்துகிறது அர்த்தசாஸ்திரம். ஆனால், அசோகருக்கு முந்தைய ஆணைகளில் ஒன்றுகூட நமக்குக் கிடைக்கவில்லை என்கிறார் நயன்ஜோத் லாஹிரி. அதற்குக் காரணம் அவை எழுதப்பட்ட விதம் என்கிறார். பொதுவாகப் பனை ஓலை, மரப்பட்டை, பருத்தி துணி ஆகியவற்றில்தான் அரசரின் சொற்கள் பதிவு செய்யப்பட்டன. மரப் பலகைகளையும் அவர்கள் பயன்படுத்தி...

நடன மங்கை... நடன மங்கை (Dancing girl) என அழைக்கப்படும் இந்த சிலை  சிந்து சமவெளி நாகரீக மக்களால் 4500 ஆண்டுகளுக்கு முன் செய்யப்பட்டது. இந்த  மங்கை நிற்கும் அழகைப் பாருங்கள்.  இவளுக்கு சுமார் 14 வயதிருக்கும் என வல்லுநர்கள் கணிக்கிறனர். இடுப்பில் கைவைத்து  ஒய்யாரமாக  நிற்கும் பாணி அவள் தன்நம்பிக்கையை உணர்த்துகிறது.    மிடுக்கான தோரணை  அவள் வாழ்க்கையில் வைத்துள்ள  பிடிப்பு தெரிகிறது. அந்த நேர் கொண்ட பார்வை மகிழ்ச்சியை அப்பட்டமாகக் காட்டுகிறது.   இந்த சிலை சுமார் 10 சென்டிமீட்டர் உயரம்தான் உள்ளது.   இந்த சிலையை 1929ல்  எர்னஸ்டு ஜெ. எச். மாக்கே  கண்டுபிடித்தார். இவர் ஒரு தொல்லியல் ஆய்வாளர் மேலும் இங்கிலாந்துக்காரர். இது ஒரு வெங்கலச் சிலை.  வெண்கலம் என்பது ஒரு உலோகக் கலவையகும். தற்போதைய  வெண்கலம் 88  விழுக்காடு தாமிரமும்  12 விழுக்காடு வெள்ளீயத்தினாலும் (Tin)  ஆனது.  ஆனால் சிந்து சமவெளி பகுதியில் கண்டெடுக்கப்பட்ட வெண்கலத்தில் தாமிரத்துடன் 2லிருந்து 8 விழுக்காடு ஆர்சனிக் கண்டறியப...